monumenta.ch > Gregorius Magnus > bsbClm6329.179 > 172 > sectio 8 > csg51.40 > sectio 1 > uwbM.p.th.f.68.288 > sectio 4 > bnf9389.132 > bsbClm6329.165 > sectio 5 > bnfGrec107.999 > sectio 26 > uwbM.p.th.q.1a.231 > csg48.50 > bnfGrec107.999 > sectio 3 > csg48.301 > sectio 30 > bnfGrec107.999 > bsbClm6224.82 > csg75.696 > bnf10439.59 v > uwbM.p.th.q.1a.174 > bsbClm6329.168 > csg48.297 > sectio 36 > ad Hebraeos,1787 > sectio 65 > sectio 9

Word Selection for Searching

Report an Error in this Sectio
Seneca Maior, Controversiae, 7, 1, 9
*** Veni ad vos victoriam pulchram petiturus: ut probem me parricidam. non occidisti, inquit, fratrem: noverca, audi iucundissimam vocem: fateor me parricidam; occidi fratrem. tutus sum, pater, si hoc probavero? imposui in exarmatam navem: non est (hoc) occidere? novercae quidem numquam satis privignus occiditur. multas rerum natura mortis vias aperuit, et multis itineribus fata decurrunt, et haec est condicio miserrima humani generis, quod nascimur uno modo, multis morimur: laqueus, gladius, praeceps locus, venenum, naufragium, mille aliae mortes insidiantur huic miserrimae animae. et hoc occidere vocatur, sed diutius: si quis nunc stat in turba, hoc dicit: 'huic quisquam parcat, qui fratrem suum occidit et occidisse se probat? '